సలీమ్ (మూవీ రివ్యూ)

తెలుగువన్‌ రేటింగ్‌ - 2.5/5
బ్యానర్ - శ్రీ లక్ష్మి ప్రసన్న పిక్చర్స్
స్టోరీ, స్క్రీన్‌ప్లే ,డైరెక్షన్ - వైవిఎస్ చౌదరి
ప్రొడ్యూస్డ్ - డాక్టర్ మోహన్ బాబు.
మ్యూసిక్ డైరెక్టర్ - సందీప్ చౌతా
సినిమ్యాటోగ్రఫీ – సి. రామ్‌ప్రసాద్
ఎడిటింగ్ – కోటగిరి వెంకటేశ్వర రావు
ఆర్ట్ – ఆనంద్ సాయి
ఫైట్స్ – కనల్ కణ్ణన్
లిరిక్స్ – చంద్రబోస్‌
రిలీజ్‌ డేట్‌ – 12-12-2009

కాస్ట్:

మోహన్ బాబు, విష్ణు, భరణి, ధర్మవరపు సుబ్రమణ్యం, అలీ, ఎమ్మెస్ నారాయణ, సునీల్, వేణు మాధవ్ నెపోలియన్, జయప్రకాష్ రెడ్డీ, ముఖేష్ ఋషి, రాహుల్ దేవ్, జీవ, తెలంగాణా శకుంతల, హేమ, మాస్టర్ భరత్ అండ్ అదర్స్…

కథ
యూరప్ నుండి సత్యవతి (ఇలియానా) తన తల్లిదండ్రులు చెప్పిన రోజుకంటే ఒక రోజు ముందే ఇండియాకు తిరిగి వస్తుండగా ఆమెను అప్పలనాయుడు (ముఖేష్ఋషి) తమ్ముడు చంటి చంపాలని ప్రయత్నిస్తాడు. అతని బారి నుండి మున్నా (విష్ణు) ఆమెను కాపాడటమే కాకుండా సత్యవతితో కలిసి వాళ్ళ ఇంటికి వెళ్ళిన మున్నా సత్యవతిని చంపడానికి ప్రయత్నించింది ఎవరు అని అడుగుతాడు సత్యవతి తండ్రి సింగమనాయుడుని. వాడి గురించి మున్నాకు వివరించిన సింగమనాయుడు వెంటనే సత్యవతికి పెళ్ళిచేయాలని యూరప్‌లో వున్న తన ఫ్రెండ్‌కి చెప్పగానే అతను ఒక మంచి సంబంధం వుంది నేను పంపిస్తున్నాను వారు సత్యను చూడటానికి వస్తున్నారు అని వివరిస్తాడు.
సత్యను చూడటానికి వస్తున్న యూరప్‌ పెళ్ళివారిని అప్పలనాయుడు హతమార్చి వారి ప్లెస్‌లో వేరేవారిని పంపిస్తాడు. సత్యను చూడటానికి పెళ్ళివారు వస్తున్నారు అని తెలుసుకున్న మున్నా సత్యను ఒక గదిలో బందించి నేను నిన్ను ప్రేమిస్తున్నాను ఈ పెళ్ళి నాకు ఇష్టంలేదని చెప్పు.. లేక పోతే నేనే ఈ పెళ్ళి చెడగొడతాను అని అంటాడు. సత్యవతి మాత్రం తనకు పెళ్ళి కొడుకు నచ్చాడు పెళ్ళిచేసుకుంటాను అని తన ఫ్యామిలీతో చెబుతుంది.
ఇక పెళ్ళికి అన్ని ఏర్పాట్లు జరుగుతుండగా మున్నా మాత్రం వచ్చిన పెళ్ళివారి గురించి ఎంక్వయిరీ చేసి వారు యూరప్ పెళ్ళివాళ్ళు కాదని వాళ్లు అప్పలనాయుడు మనుషులని తెలుసుకొని వారిని చంపేసి సింగమనాయుడు ఫ్యామిలీ జోలికి ఇక రావద్దని అప్పలనాయుడికి వార్నింగ్‌ ఇస్తాడు. ఇక మున్నా తన కూతుర్ని ప్రేమిస్తున్నాడనే విషయం తెలుసుకున్న అప్పలనాయుడు అడుగడుగునా తన కూతుర్ని కాపాడుతున్న మున్నాకే సత్యని ఇచ్చి పెళ్ళిచేయాలని నిర్ణయించి వారిని ఆ గ్రామంలో వున్న గుడికి తీసుకువెళ్ళగా ఆ గుడి నుంచి కొంతమంది రౌడీల సహాయంతో సత్యవతి యూరప్‌ పారిపోతుంది. సత్యవతి తన ఫ్యామిలీ చేస్తున్న పెళ్ళి నుంచి యూరప్ ఎందుకు పారిపోయింది? మున్నా సత్యవతిని పెళ్ళిచేసుకున్నాడా? లేదా? అనేది తెలియాలంటే ఈ సినిమా చూడాల్సిందే.

విశ్లేషణ..
వై.వి.ఎస్‌. చౌదరి, మోహన్‌బాబు, విష్ణువర్థన్‌ బాబుల కాంబినేషన్‌లో సినిమా అంటే ఆడియన్స్‌లో ఎక్స్‌పెక్టేషన్స్‌ బాగానే పెరిగాయి. అయితే వారి ఎక్స్‌పెక్టేషన్‌కి ఏమాత్రం అందుకోలేకపోయాడు ఈ సలీమ్‌. మోహన్‌బాబు లాంటి మంచి నటుడుని దర్శకుడు సరిగ్గా వినియోగించుకోలేకపోయాడు. ఆయన పాత్ర స్వభావం, తీరు చిత్రీకరించడంలో దర్శకుడు ఫెయిలయ్యాడు. ఫస్టాఫ్‌ అంతా ఫ్యామిలీ బ్యాక్‌గ్రౌండ్‌తో సాఫీగానే సాగిపోయిన చిత్రం సెకండాఫ్‌కి రాగానే ప్రేక్షకుల ఊహలకి అందని రీతిలో చతికిలపడిపోయింది. కథ, కథనంలో లోపాలు స్పష్టంగా కనిపిస్తాయి. ఈ విషయంలో దర్శకుడు మరికొంత కసరత్తు చేసుంటే బావుండేది.

నటన-: ఈ చిత్రంలో మున్నాగా మంచు విష్ణు చాలా చక్కగా నటించాడు. తన బాడీలోనే కాదు తన నటనలో కూడా చాలా మార్చు వచ్చింది. డ్యాన్సుల్లో, ఫైట్స్‌లో బాగా ఇంప్రెసివ్‌గా కనిపించాడు. ఈ చిత్రంలో ముఖ్యపాత్రలో కనిపించిన మోహన్‌బాబు గురించి ప్రత్యేకంగా చెప్పాల్సిన పని లేదు. ఆయన ఏ క్యారెక్టర్‌ చేసినా దానికి న్యాయం చేయడం ఆయన నైజం. ఇక అందాల ముద్దుగుమ్మ ఇలియానా విషయానికి వస్తే… సత్యవతి క్యారెక్టర్‌లో చాలా అద్బుతంగా నటించింది.
ఫోటోగ్రాఫీ-: బాగానే వుంది.
సంగీతం -: సందీప్‌ చౌతా ఈ చిత్రానికి అందించిన సంగీతం చాలా బాగుంది. ముఖ్యంగా రీమిక్స్‌ సాంగ్‌ “పూలు గుస గుస లాడేనని..” అనే సాంగ్‌ చాలా బాగుంది.

ఎడిటింగ్‌ -: ఇంత పెద్ద సినిమాని ఎంతని ఎడిట్‌ చేస్తాడు ఏ ఎడిటరయినా. ఉన్నంతలో ఎడిటింగ్‌ బాగుంది.

ఏది ఏమైనా ఈ చిత్రాన్ని ఒకసారి చూసి ఆనందించవచ్చును.